طيـــور غريبه

طيـــور غريبه

لمحو الحبيبه

قـــالوا سلام

ردِتْ ســـلام

وقِـفْ الكلام

فوق الشفايف

مرعوش وخايف

فكر شويه وسرح دقيقه

ســـــــرحان فى حالـُـه

والفكر قايد

حـَا ير ِقْ صوته ؟

ما الروح رقيقـه ..

حيـــــزيد جماله

ما الحُـسن زايـد ..

يا طيور غريبـه

ايه العـــــــجيبه

دى خصله ثايره

من نسمه طايره

وعنيها ياما سافِــرْت فيهم

لفيت موانى

والشـــــوق رمانى

على بَــرْ قـــــاسى

ما فيهوش مراسى

غـــــــــير الرموش

تقدر ياخلــّى تروح غازلــّى

علشان عيونه

طـَرحَه وعشانى تِغـْـز ِلــّى شال

بتقول مُحال ؟

زيك يا طيرى

وقـفـْت مره لمَحِتْ عـِـنيـَّه

شباك جنينه

وجنب منه شباك جنينه

انا قـُلتْ دولاً عيون لذيذه

مافيش مقارنه بالموناليزا

يامين يشَـبـِّـك

الفل الابيض

لعيون حبيبتى

بخيط نهار